recent
أخبار عاجلة

قصة سيدنا آدم عليه السلام / قصة خلق سيدنا آدم أول حلقة من سلسة حلقات قصص الأنبياء للأطفال

قصص الأنبياء للأطفال


قصة سيدنا ادم عليه السلام,قصة ادم,سيدنا ادم,قصة سيدنا ادم كاملة,قصة خلق سيدنا ادم,قصة سيدنا آدم عليه السلام,قصة,قصة ادم عليه السلام,سيدنا,قصة سيدنا آدم عليه السلام للأطفال,كيف خلق الله سيدنا ادم عليه السلام,قصة ذو القرنين,ادم,قناة سؤال قصة النمرود,خلق ادم,قصة ابليس واد وحواء,قصة آدم عليه السلام

قصة سيدنا آدم عليه السلام





 قصة سيدنا ادم عليه السلام / قصة خلق سيدنا آدم أول حلقة من سلسلة حلقات قصص الأنبياء للأطفال


في الحلقات دي هنتكلم بطريقه سهله وبسيطه عن قصص الأنبياء وأول قصة معانا هي قصة سيدنا آدم عليه السلام.





بصوت آبلة فاطيما


طب هو ليه سيدنا آدم سمي  آدم أصلا؟

  • أسمه جاي من أديم الأرض يعني تراب الأرض ربنا أخذ قبضة من رمال الدنيا كلها باختلاف ألوانه  (رمل أبيض و رمل أسود و رمل أحمر ) ومن هنا جاء اختلاف ألوان البشر وطبعهم كمان فمنهم السهل زي الرملة الناعمه ومنهم الصعب ومنهم الخبيث ومنهم الطيب. أتخلق سيدنا آدم على سبع مراحل. 

في كل مرحلة تحس ان ربنا يبعتلنا رساله.

المرحلة الأولى :-


  • قبض الله سبحانه وتعالى قبضة من تراب الأرض على أختلاف ألوانه عشان يقول لك أنت ضعيف مخلوق من نفس المادة اللي بتمشي عليها ربنا اللي كرمك ورفع شأنك ما ينفعش ترجع تعصاه و تنسى أصلك.


  • مزج التراب بالماء فأصبح طين ولو نلاحظ أن التراب والمياه هما أدوات الطهارة في الإسلام.

ربنا عايز يقول لك أنت مخلوق من طهارة فلا تنجس طهارتك بالمعاصي والكبائر ده غير أن الطين عكس النار الطين كله خير والنار كلها شر فبقي  آدم أصله خير والجن أصله شر.

المرحلة الثانية :-


  • ترك الطين فترة فأصبح أسمه طين لازب بمعنى أنه لزج يلتصق بعضه بعضا ومتماسك


المرحلة الثالثة :-


  • ترك الطين اللازب فترة فدخلت عليه عوامل ثانية وشوائب غيرت لونه وخليته يسود زي الرماد اللي هو الحمأ المسنون وهو طين أسود متغير لونه من الترك.


  • وزي ما تكون الشوائب دي هي الغرائز والشهوات والخصال السيئة اللي في بني آدم قد يكون ده تشبيه بس الأكيد هو المغزى منه أن ربنا عايز يقول لك الأصل فيك الخير.      

 لأنك من طين وكل الغرائز دي مجرد شوائب مش أكثر. 

المرحلة الرابعة :-


  • بعد تحويل الطين اللازب الى حمأ مسنون أصبح صلصالا كالفخار.

والصلصال هو الطين اليابس الذي له صلصلة وصوت من شدة يبسة إذا ضرب بشئ .
قال تعالى: ﴿وَلَقَدْ خَلَقْنَا الإنسان مِنْ صَلْصَالٍ مِنْ حَمَأٍ مَسْنُونٍ﴾



 المرحلة الخامسة :-


  • بعد مرور سيدنا آدم بهذه المراحل نفخ الله سبحانه وتعالى من روحه فيه فأصبح هو المخلوق الوحيد اللي ربنا كرمة بالنفخ فيه من روحه حتى الملائكة ماتكرمت بهذا التكريم .

وذلك كما قال سبحانه وتعالى:" فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ "، الحجر/29.

ومن هنا نلاحظ :-


  • أن الإنسان مخلوق من حاجتين عكس بعض كل حاجة من الحاجتين دول تسعي دائما لأصلها.
  • الروح أصلها من السماء والطين أصله من الارض فلما الإنسان يموت روحه بترجع السماء وجسده يرجع للأرض.
  • الروح غذائها روحاني سماوي لاترتاح غير بالقرآن والصلاة والعبادة والذكر وأشباع الحاجات المعنوية والجسد غذائه من الأرض لا يشبع غير بالأكل والشرب وإشباع الشهوات الدنيوية.
  • الروح أغلى من الجسد بمراحل عشان كده جسدك بيفضل معك على طول لكن روحك بتسيبك كل يوم وبترجع الى خالقها .


ونقدر نقول أن روحك باليومية بتتاخد منك آخر كل يوم لما تنام ويا ترجع يا ما ترجعش تاني ولأن الشيطان عارف كده هتلاقيه بيحبك قوي في المعصية بالليل عشان تنام على معصية وجايز متصحاش تاني فتبعث على معصيتك ومن هنا كان سيدنا النبي صلى الله عليه وسلم يوصينا أننا نام على وضوء عشان نبعث عليه .

طيب إيه هو وصف سيدنا ادم ؟ ده اللي هنعرفه الحلقة الجاية !


google-playkhamsatmostaqltradent