recent
أخبار عاجلة

قصة سيدنا آدم عليه السلام / قصة خلق سيدنا آدم ثاني حلقة من سلسة حلقات قصص الأنبياء للأطفال


قصة سيدنا آدم عليه السلام,آدم,قصة سيدنا آدم عليه السلام للأطفال,قصة آدم عليه السلام,قصة ادم,قصة,قصة سيدنا ادم للاطفال,قصة سيدنا ادم عليه السلام,سيدنا ادم,سيدنا,سيدنا آدم,قصة سيدنا ادم كاملة,قصة خلق سيدنا ادم,قصة ادم عليه السلام,قصة سيدنا ادم كاملة حقيقية,قصة ادم وحواء,قصة سيدنا ادم عليه السلام فيديو,قصة سيدنا ادم عليه السلام كاملة,قصة سيدنا ادم عليه السلام مكتوبة,قصة سيدنا ادم عليه السلام مختصرة

قصة سيدنا آدم عليه السلام للأطفال الجزء الثانى

هنتكلم النهارده عن وصف سيدنا ادم

 ودي الحلقه الثانيه من قصة سيدنا آدم عليه السلام.


خلق سيدنا آدم وطوله ستون ذراعا وعرضه سبعة أذرع ،وهو ده الطول اللي هنبقي عليه كلنا يوم القيامة بعد ما بقى صلصال وتشكل زي الفخار ربنا سابه فتره قبل ما ينفخ فيه الروح إبليس كان جن عابد وتقي يعبد ربنا و عمره ما عصي ربنا ابداً عايش حياته كلها في مرضات الله والتقرب اليه.
  لدرجه ان ربنا رفع درجته فبقى مخلوق من نور النار مش من النار زي الجن ، وكمان سمح له  يطلع السماء ويدخل الجنة و يبقى مع الملائكه ،عشان كده هو الجن الوحيد اللي كان مع الملائكة لما ربنا أمرهم بالسجود لسيدنا آدم ، من كثر التعبد  اللي كان فيه إبليس و ثقته في مكانته وصلاحه احتقر آدم وقالوا ايه يجي جنبي ده عشان اسجدله ، فتجرأ على ربنا بعصيان أمره.
  سيدنا آدم لما ربنا نفخ فيه الروح دخلت الروح اول حاجه في رأسه فعطس فقالت الملائكة قل الحمد لله،
 فقال الحمد لله ربنا ،قال له رحمك ربك لما وصلت الروح لعينه شاف ثمار الجنة ،وابتدا يتأملها ولما وصلت الروح لبطنه اشتهي الثمار دي فنط عشان يأكلها بس النطه كانت قبل ما الروح توصل لرجله معرفش ينط طبعا

ومن هنا جت الآية (خلق الإنسان من عجل) صدق الله العظيم.
 بعد اكتمال الروح ربنا مسح بيمينه على ظهر أبونا آدم فوقع من ظهره كل الناس اللي يتخلقوا ومن ذريته لحد يوم القيامه ،وإتعرضوا عليه أهل الجنة منهم وأهل النار منهم ،أهل الجنة منهم كان عندهم علامة من النور من بين عينيهم لكل واحد فيهم فبص على واحد منهم كانت العلامة اللي بين عينيه منوره قوى أعجبته وسأل ربنا ايه ده ،قاله دا رجل من آخر الأمم من ذريتك.
 أسمه داود فسأل سيدنا ادم عمره قد ايه يا رب ربنا رد على وقال له عمره 60 سنه
في قاله سيدنا آدم زوده من عمري 40 سنه كمان فربنا  بقدرته وعظمته غير اعمارهم هما الاثنين كان مقدر لابونا ادم انه يعيش 1000 سنه
بقى 960 سنة لما جاء ملك الموت يقبض روحه وهو عنده 960 سنة قال له لسه فاضل في عمري 40 سنه  فملك الموت قال له مش انت تنازلت عنهم لابنك داود آدم كان ناسي من غير ما يقصد ومن هنا بقينا كلنا بننسي والنسيان بيولد الخطأ والجحود والإنكار.
 وبقيت الصفات دي من ذريته من بعده ، نسي آدم فنسيت ذريته وأخطأ آدم ف أخطأت ذريته.

google-playkhamsatmostaqltradent