recent
أخبار عاجلة

قصص الأنبياء / قصة سيدنا آدم عليه السلام للأطفال الحلقة الثالثة

سيدنا ادم,سيدنا ادم وحواء,سيدنا,قصة خلق سيدنا ادم,ادم,قصة سيدنا ادم كاملة,قصة سيدنا ادم وحواء,قصة ادم,قصة سيدنا ادم عليه السلام,كيف خلق الله سيدنا ادم عليه السلام,قصة سيدنا آدم عليه السلام,خلق ادم,ادم وحواء,ادم و حواء,قصة ادم وحواء,ادم عليه السلام,قصة ادم عليه السلام,آدم

قصة سيدنا آدم عليه السلام للأطفال الحلقة الثالثة

وعلم آدم الأسماء كلها

 ايه بقا هي الأسماء دي، معناها اسماء كل الاشياء اللي ف الدنيا وكل الحيوانات وكل الجمادات وكل الصناعات، وبعد ما ربنا علمه كل دا عرض المخلوقات على الملائكة وقال لهم، تعرفوا اسماء الحاجات دي كلها تعرفوا اسم الحيوان ده مثلا.
طبعا الملائكه ما كنتش تعرف غير اللي ربنا علموا لهم في حين أن المخلوقات دي كلها لما اتعرضت على سيدنا آدم قال الاسماء كلها وما غلطش في اي حاجه، بس ليه ربنا قال لهم كده وليه عمل المقارنه دي اصلا وايه الحكمة من المقارنه دي وأنه علم سيدنا ادم كل الاسماء لكل المخلوقات ،بس هنا في حكمه لو نفكر هنلاقي ان الملائكه اصلا مش محتاجين يعرفوا أسماء المخلوقات والصناعات وباقي الحاجات، بعكس آدم وذريته اللي محتاجينها بشكل أساسي في تعاملاتهم اليومية.
فتخيل لو ما كناش نعرف اسم اي حاجه في الدنيا ساعتها ما كانش حد هيعرف يعبر عن اللي هو عايزه غير انه يجيب الحاجه نفسها قدامك ويشاور عليها ربنا رحمنا بتعليم أبونا آدم أسماء المخلوقات عشان يسهل علينا نرمز لكل حاجه باسمها.



 التكريم

 تكريم سيدنا آدم على الملائكه ما كانش بس بالعلم، ده كمان ربنا اثبت كده لما أمرهم بالسجود لآدم وده كان سجود تكريم مش سجود عبادة وسجود التكريم كان جائز زمان وبعد كده بقى محرم.
 ستنا حواء ماتخلقتش على طول سيدنا آدم قعد فتره في الجنه لوحده لكنه حس بوحده وملل، وفي يوم وهو نايم ربنا أخذ ضلع من ضلوعه الشمال وخلق منه ستنا حواء لما الملائكة شافوها معرفهاش هما كانوا عرفوا من سيدنا ادم اسماء باقي المخلوقات كلها بس دي مخلوقة جديده ماعندهمش خلفيه عنها فسألوه اسمها ايه، يا آدم؟ قال لهم اسمها حواء.
 قالوله  ليه اتسمت حواء، قال لهم لأنها اتخلقت من شيء حي ما ننساش ان ربنا علمهم كل حاجه.
 ربنا انعم على سيدنا آدم وزوجته حواء أنهم يسكنه الجنه ويتمتعوا في كل النعيم اللي موجود فيها وحذرهم من إبليس وقال لهم خلوا بالكم من ابليس عدوكم، هيحاول يخرجهم من النعيم اللي انتم فيه.
كان كل النعيم اللي في الجنه ملك آدم وزوجته إلا شجرة واحدة بس ربنا حرمها عليهم، فدخلهم إبليس من مدخل التحريم.
ياترى عمل ايه إبليس اللعين معاهم؟ ده اللى هنعرفه الحلقه الجايه.

google-playkhamsatmostaqltradent